Teuteuga o Poloaiga mo Faalavelave Tutupu Faafuasei mo le COVID19 ; (Aso 3 Iulai 2020)
SAMOA, July 3 - (OFISA O LE SO’OUPU); I lana Fonotaga FK(20)Faapitoa 29 o le Aso Faraile 7 Iulai 2020, na talanoaina ai e le Kapeneta le Pepa PK(20)631 ma faamaonia ai Teuteuga o Poloaiga mo Faalavelave Tutupu Faafuasei mo le COVID19 e pei ona auiliili atu i lalo:
1. Femalagaiga i le va o Upolu ma Savaii E faatumau pea le tapu o faigamalaga a vaa i le va o Upolu ma Savaii i le Aso Sa.
2. Tapuaiga Ua tatala tapuaiga tuufaatasi, fonotaga ma Tofiga a Ekalesia ae tapu i le 50 paga (couples).
3. Faletalimalo (Hotels) I. Le tatala o faletalimalo (hotels) mo taumafataga (lunch ma le dinner) i le Aso Sa mo i latou e lē o nonofo i totonu o faletalimalo (visitors) mai le 12:00 i le aoauli i le 10:00 i le po.
II. Le tatala o faleaiga i Aso Sa mai le 12:00 i le aoauli i le 10:00 i le po mo nā o takeaway.
4. Toonai i Aso Sa Le faamaninoina o le tulaga i toonai mo Aso Sa, e mo nā o Ekalesia. Le amata faamamaluina o nei suiga i le Aso Sa 5 Iulai 2020 seia toe iai se isi faaaliga. E faatumauina pea isi aiaiga o Poloaiga o Faalavelave Faafuase’i na mua’i tuuina atu.
O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.
July 3, 2020Legal Disclaimer:
EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.
