CANADA, September 30 - Ktu’ klulj na’tuwen, Apjipjutaqn ukjit Wlo’qn Apoqnmasutiey iknmuetoq apoqnmasuti ukjit msit l’nu’k. Counselloraq eymu’tijik mataqte’kniktuk kisna online chatiktuk. Ula etek atlasie’wiktuk aqq wenujiktuk, aqq elt ta’n tujiw pipanikesin Cree, Ojibway, aqq Inukitut. Mataqte'ketesk toll free’ey Crisisey line 1-855-242-3310 kisna nasa’si online chatiktuk etek www.hopeforwellness.ca. L’nui-Na’kwekewey kina’matnuo’kuo’mey apoqnmasutiey mataqte’kn ma’wt etek ma’wt iknmuetoq natala’tikemkewey apoqnmasuti aqq crisisey elkimuksimkewey tel-lukwek ukjit l’nui-na’kwekewe’k kina’matnuo’kuo’me’k mimajultijik aqq wikmawa. Mataqte'e’n toll free’ey crisisey 1-866-925-4419. Ula tel-lukwek etek te’sikiskek aqq te’si-wla’wk, lluiknek te’sekl na’kwekl.

Prime Minister Justin Trudeau, kiskuk telusnek ula klusuaqnek ukjit ula Na’kwek ukjit Ketloqoey aqq Apiksiktuaqn:

“Kiskuk, ninen wi’kipatmek Na’kwek ukjit Ketloqoey aqq Apiksiktuaqn aqq ma’wt tel-nenasik nikjewiknejewamuksite’wey a’tla’iey na’kwek, e’tmatemekl ta’n weskwiaql lukwaqna’lukwi’titl ukjit l’nui-na’kweke’y kina’matnuo’kuo’mey teltek ukjit L’nu’k, inuitaq, aqq metisaq Kana’ta. Toqitayk mikwite’lmanew mijua’ji’jk ta’n weji-kmutnalupnik utanmuaq, aqq ta’n ukmimajuaqnmuaqikl kemutmupnikl ula taluwi’tasikl kina’matnuo’kuo’ml. Kepmite’tmketjik Mimajultijik, pikwelkik ta’n lukwaqna’luonik uktininuaq, telo’lti’tij, aqq kepaqsi-ewleyusnik. Jiksitmaqetl ketloqoeymuwal, aqq ili-ika'tuwek lukwaqnminen ukjit eltun naji-petlewik elmi’knik ukjit l’nu’k aqq msit wkskwijinu’k Kana’ta.

“Weja’tikemk 1867 aqq 1998, piamu 150,000 L’nu’k, Inuitaq, aqq Metisaq mijua’ji’jk weji-ksuwa'luonik wikmawaq aqq utanemuwaq aqq ketmoqja’lupnik elta’new l’nui-na’kweke’l kina’matnuo’kuo’ml, ta’n wetqulupnik klusultinew klusuaqnmuaq aqq we’mnew ta’n tel-lukwutijik aqq telo’ltijik. Utanl ta’n me’ kwilua’tiji mijua’ji’jk ta’n mu elmita’qsepni’k, Kaplno’l I'tew msit telteskemk iknmuan ta’n nuta’titl seya’tunew msit ketloqoey ta’n teliaqsipnek ula l’nui-na’kwekewe’l kina’matnuo’kuo’ml, kepmite’lman mijua’ji’jk ta’n mu apajita’qepni’k, aqq apoqnmatmn utanl ta’n siawtaqa’tu’tit nepilsimkewey telteskemk.

“Mu kisi-wanta'sultiwk kis-tliaq aqq ewpla’taqn ta’n iknmupnik l’nu’k l’nui-na’kwekewe’l kina’matnuo’kuo’mel, aqq ma’wt telo’tasultionik wejkwikwuti’tijek ta’n me’ kiskuk etek. Nike’ petqwasimkewey ewlamu’k wnaqa’sik, seya’toq msit ketloqoey na maw nuta’q jel mu ankwes. Na weji-ika'leketep Independent Special Interlocutor ukjit keska’tijik mijua’ji’jk aqq mu nenasinukl etqutaqnl aqq Etqutaqne’kati’l ta’n wiaqtekl l’nui-na’kwekewe’l kina’matnuo’kuo’mel, Kimberly Murray, apoqnmatmn ikana’tasin kwiluwasimkewey L’nu’k, Inuitaq, Metisaq ta’n kepmite’taq ta’n nuta’titl aqq lukwaqna’lukwi’titl ke’sk toqi-lukwuti'k seya’tunew aqq wnaqnmnew ketloqoey ta’n teliaqep ukjit l’nui-na’kweke’l kina’matnuo’kuo’mel.

“Kiskuk, ajipjulk msit wen naskmn nikjewiknejewamu’k ukjit mikuwaptmn ta’n E’tasiw Mijua’ji’j Mekite’tasit aqq wiaqa’lsin lnui-ikana'tasikl teliaql mikuwaptmn aqq apajapa’sin ta’n tel-siawtaqa'sik ta’n kis-tliaqep l’nui-na’kweke’l kina’matnuo’kuo’mel teltekl. Apiksiktuaqn na mu uktlukwaqnuwow l’nu’k ktlukwaqneminu na msit. Ki'l na ktlukwaqn jiksitmn, kji-kinu'tmasin, aqq iknmuan etekl nuta’titl  L’nu’k, Inuitaq, aqq Metisaq, wksitunuwa, aqq a’tukwaqnmuwal, aqq ksuwa’tunew ketloqoeyminu ukjit kis-tliaq eltunew naji-klu'lk, toqijoqtek, aqq naji-wiaqa'luwek Kana’ta Ukjit Wejkwikwutijik wejku’waq.”