SAMOA, August 14 - E tasi le teuteuga fou i le Poloaiga mo Faalavelave Faafuasei mo le COVID 19 e pei ona faatulafonoina e le Ao Mamalu ole Malo Tuimalealiifano Vaaletoa Sualauvi II e faavae I fatuaga na solaupuleina ma faamaonia e le Kapeneta ile afiafi nei.

O nei teuteuga olo’o auiliili atu i lalo: Faatagaina ole kamupani o le Petroleum Products Supply Ltd mo le faatumuina o le suauu mo Samoa I Aso Sa.

Ona o lona tulaga faanatinati ua faataga ai le malaga mai o le vaa suauu e auina mai le suauu i laufanua o Samoa ona o tulaga maaleale o loo iai le suauu i le taimi nei.

O vaega nei e moomia mo lenei galuega i. Le faataga ona galulue le Petroleum Products Supply Ltd (PPS) ma le Pulega o Uafu ma Taulaga mo le toe faatumuina o le suauu mo Samoa faapea ma nisi vaa suauu e faamoemoe e taunuu mai i le atunuu. O le amata faamamaluina o nei suiga i le Aso Tofi 6 Aokuso 2020 seia toe iai se isi faaaliga.

ii. Le tuuina atu o le suauu mo le EPC i le Aso Sa 16 Aokuso 2020 mo le gaosia o le eletise mo le atunuu. O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa. E faatumauina pea o isi aiaiga o Poloaiga o Faalavelave Tutupu Faafuase’i na mua’i tuuina atu.

O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.

O lenei Poloaiga e amata faamamaluina i le Aso 15 Aokuso 2020.

August 15, 2020