'එක්සත් ජාතීන්ගේ සංවිධානයේ මැදිහත්වීමෙන් තොරව සත්‍යය හෙළිදරව් වන්නේ නැහැ..'

NEW YORK, UNITED STATES, July 13, 2023/EINPresswire.com/ --

එක්සත් ජාතීන්ගේ මානව හිමිකම් පිළිබඳ මහ කොමසාරිස් වෝකර් ටකර් මහතා වෙත ලිපියක් යොමුකරමින් දෙමළ ඊළාම් දේශාතික්‍රාන්ත ආණ්ඩුවේ අග්‍රාමාත්‍ය විශ්වනාදන් රුද්‍රකුමාරන් මහතා ඉල්ලා සිටින්නේපසුගියදා (2023 ජූලි 06) ශ්‍රී ලංකාවේ දමිළ ප්‍රදේශයකින් සොයාගත් සමූහ මිනීවලේ ගොඩගැනීමේ කටයුතු පිළිබඳ සිහිකැඳවීමක් සිදුකරන ලෙසයි. මේ වනවිට කාන්තාවන් හා පුරුෂයින්ගේ සිරුරු 13 ක් ‍ගොඩගෙන ඇති අතර එහි මෙහෙයුම් කටයුතු තවදුරටත් සිදුකෙරෙමින් පවතියි.
වීඩියෝ - https://www.youtube.com/watch?v=zWOzhZICD08
පුවත - https://english.theleader.lk/news/4969-fears-of-another-mass-grave-as-skeletons-found-in-mullaitivu-district

“ශ්‍රී ලංකාව පිළිබඳ එක්සත් ජාතීන්ගේ මානව හිමිකම් කවුන්සිලයේ 2021 යෝජනාවේ (A/ HRC/Res/51/1), 8 වැනි ඡේදයේ විෂය පථයට මෙයඅයත්වන බව අපි තරයේ විශ්වාස කරනවා. එහි සඳහන් වී තිබෙන විදියට, ශ්‍රී ලංකාවේ මානව හිමිකම් පිළිබඳ මහ කොමසාරිස් කාර්යාලයට...තොරතුරු හා සාක්ෂි එකතු කිරීම, ඒකාබද්ධ කිරීම, විශ්ලේෂණය කිරීම, සංරක්ෂණය කිරීම හා ශ්‍රී ලංකාවේ මානව හිමිකම් බරපතල ලෙස උල්ලංඝනය කිරීම් හෝ ජාත්‍යන්තර මානුෂීය නීතිය බරපතල ලෙස උල්ලංඝනය කිරීම් සම්බන්ධයෙන් අනාගත වගවීමේ ක්‍රියාවලීන් සඳහා ගතහැකි උපාය මාර්ග සකස් කිරීම, වින්දිතයන් හා දිවිගලවාගත් අය වෙනුවෙන් පෙනී සිටීම හා සාමාජික රටවල හා නිසි අධිකරණ බලය ඇතුළුව අදාළ අධිකරණ හා අනෙකුත් ක්‍රියාදාමයන්ට සහය වීමට අවකාශය පවතිනවා.’’ යනුවෙන් රුද්‍රකුමාරන් මහතා පෙන්වා දෙයි.
ලින්ක් - https://www.ohchr.org/en/documents/reports/ahrc515-situation-human-rights-sri-lanka-comprehensive-report-united-nations-high

“ඔබේ නිල මැදිහත්වීමකින් තොරව සත්‍යය කිසි විටෙකත් හෙළි නොවනු ඇති බවට වූ බිය අප තුළ පවතිනවා. මේ කාරණය සම්බන්ධයෙන් එක්සත් ජාතීන්ගේ මානව හිමිකම් පිළිබඳ කාර්යාලයේ තාක්ෂණික විශේෂඥයින්ගේ දැනුම දායක කරගැනීම කාලීන අවශ්‍යතාව වී තිබෙනවා. අළුතින් සොයාගත් මේ සමූහ මිනීවල, අද වනවිට ‍සමූහ මිනීවලවල් සොයාගෙන තිබෙන 33 වන ස්ථානය වෙනවා. ඒවගේම මේ ස්ථානය ගැටුම් සමයේදී ශ්‍රී ලංකා හමුදාව යටතේ පැවතුණා. මේ සමූහ මිනීවල අසළ දැවැන්ත හමුදා කඳවුරක් තිබුණු බවත් වාර්තා ‍වෙනවා.’’ යනුවෙන් රුද්‍රකුමාරන් මහතා වැඩිදුරටත් දක්වා සිටියි.

“අධිකරණය ඇතුළු ශ්‍රී ලංකාවේ රාජ්‍ය ආයතන තුළ පැතිරී ඇති සහ මුල් බැසගත් ජාතිවාදය නිසා දේශීය යාන්ත්‍රණයක් තුළින් කිසිදාක දෙමළ ජනතාවට යුක්තිය ඉටුවෙන්නේ නැහැ. මේ අනුව, මෙම මිනී ගොඩගැනීමසඳහා ජාත්‍යන්තර යාන්ත්‍රණයක් අවශ්‍ය වෙනවා. මේ සාක්ෂි සංරක්ෂණය වඩාත් පුළුල් ලෙස සිදුකළ යුතු වෙනවා වගේම, අවසානයේ යුක්තිය හා වගවීමේ ක්‍රියාවලිය සහතික කිරීම ද අත්‍යවශ්‍ය වෙනවා’’ යනුවෙන් ඔහු වැඩිදුරටත් පෙන්වා දෙයි.

ශ්‍රී ලංකාව සමූහ මිනීමළවල් සඳහා ප්‍රසිද්ධියට පත්ව ඇත. පසුගිය වසර 30 තුළ ශ්‍රී ලංකාවේ සමූහ මිනීවළවල් 32 ක් (අලුතින් සොයාගත් සමූහ මිනීවළ ද ඇතුළුව 33 කි) හඳුනාගෙන ඇත. එක්සත් රාජධානියේ පුවත්පතක් වන ‘දි ඉන්ඩිපෙන්ඩන්ට්’ 2018 දී වාර්තා කළේ වදහිංසාවට ලක්වූ බවට සලකුණු තිබෙන ඇටසැකිලි 276 ක් ගොඩගෙන ඇති බවයි. මේ අතර ළමයින්ගේ දේහ 21 ක් ද පවතින බව වාර්තා කර තිබුණි.

මීට වසර 20 කට පෙර එතෙක් එල්.ටී.ටී.ඊ ය යටතේ පැවති යාපනය අර්ධද්වීපයේ පාලනය 1995 හා 1996 වසර වලදී ශ්‍රී ලංකා හමුදාව විසින් අත්පත් කරගැනීමෙන් පසුව හමුදා සොල්දාදුවෙක් සාක්ෂි ලබාදෙමින් පැවසුවේ, ප්‍රදේශයේ අතුරුදහන් වූ සියගණනක් මිනිසුන් සැබෑවටම මරාදැමුණු බවයි. එලෙස මරාදැමුණු පිරිස චෙම්මනි ගම්මානය අසළ සමූහ මිනී වළවල්වල මිහිදන් කර ඇති බව ඔහු එහිදී වැඩිදුරටත් පැවසුවේය. වාර්තාවලට අනුව මෙලෙස මියගිය සංඛ්‍යාව 300 – 400 ත් අතර ප්‍රමාණයක් වේ.
ලින්ක් - https://www.independent.co.uk/news/world/asia/sri-lanka-mass-graves-skeletons-found-civil-war-mannar-university-kelaniya-a8646576.html
ලින්ක් - https://www.wsws.org/en/articles/1999/05/jaff-m01.html

ප්‍රජාතන්ත්‍රවාදය සඳහා මාධ්‍යවේදීන්, අතුරුදහන්වූවන්‍ගේ පවුල්, මානව හිමිකම් සහ සංවර්ධන මධ්‍යස්ථානය මෙන්ම ජාත්‍යන්තර සත්‍යය සහ යුක්තිය ව්‍යාපෘතිය යන සංවිධාන එක්ව සම්පාදනය කළ පිටු 75 කින් යුතු වාර්තාව පසුගිය 20 වැනිදා එළිදැක්වුණි. මෙම වාර්තාව තුළ අවධාරණය කර සිටින්නේ සමූහ මිනීවලවල් ගැන සෙවීමට ශ්‍රී ලංකා පරීක්ෂණ කොමිෂන් සභා කිසිවක් නියම කර නැති බවයි. ඒ වෙනුවට, සත්‍යය හෙළිකිරීමට දරන උත්සහයන් අඩාල වී ඇත. මහේස්ත්‍රාත්වරුන් හා අධිකරණ වෛද්‍ය විශේෂඥයින් හදිසියේ ස්ථාන මාරු කර ඇත, පොලීසිය අධිකරණ නියෝග ක්‍රියාත්මක කිරීම ප්‍රමාද කර ඇත, ඥාතීන්ට මෙන්ම නීතිඥයින්ට ද එම ස්ථාන වෙත පිවිසීම තහනම් කර ඇත, ජීවමාන සාක්ෂිකරුවන් සොයාගැනීමට කිසිදු උත්සහයක් ගෙන නැත, මරණ පරීක්ෂණ දත්ත රැස් නොකළ අතර යමෙක් වැරදිකරුවෙකු බවට පත්වූවේ කලාතුරකින් වූ අතර ඉන්පසුව, ඔවුන්ට සමාව හිමිවිය. අතුරුදහන්වූවන්ගේ පවුල්වලට එය නොවිසඳුණු ඛේදවාචකයක කතාවක්බවට පත්වී ඇත. විපතට පත් අයට තම ආදරණීයයන් සොය‍ා නොගෙන ජීවත්වීමට හා මියයාමට බලකරන තත්ත්වයක් උදාවී ඇත. ශ්‍රී ලංකාවේ හිටපු ජනාධිපති ගෝඨාභය රාජපක්ෂ සමූහ මිනීවලවල් පිළිබඳ පොලිස් පරීක්ෂණ ඇණහිටවූ බව ද මෙම වාර්තාවේ සඳහන් වේ.
ලින්ක් - https://www.thestar.com/news/world/asia/2023/06/22/ex-sri-lanka-president-ordered-police-records-destroyed-to-stall-mass-grave-probes-report-alleges.html


• දෙමළ ඊළාම් දේශාතික්‍රාන්ත ආණ්ඩුව (TGTE) පිළිබඳ - Transnational Government of Tamil Eelam (TGTE)

දෙමළ ඊළාම් දේශාතික්‍රාන්ත ආණ්ඩුව (TGTE) යනු ලොවපුරා රටවල් කිහිපයක වෙසෙන මිලියනයකට අධික (ශ්‍රී ලංකා දිවයිනේ) දෙමළ ජාතිකයින් විසින් ප්‍රජාතන්ත්‍රවාදීව තෝරාපත්කර ගැනුණු රජයකි. ශ්‍රී ලංකා රජය 2009 දී දෙමළ ජනතාව සමූහ වශයෙන් ඝාතනය කිරීමෙන් පසුව TGTE පිහිටවනු ලැබුණි.

TGTE තුන් වතාවක් ජාත්‍යන්තරව අධීක්ෂණය කරන ලද මැතිවරණය ලොවපුරා දෙමළ ජනතාව අතර පැවැත්වූ අතර පාර්ලිමේන්තු මන්ත්‍රීවරුන් 132 දෙනෙකු තෝරාපත් කරගැනුණි. මෙම පාර්ලිමේන්තුවේ සභ‍ා දෙකක් ඇති අතර, නියෝජිත මන්ත්‍රී මණ්ඩලය, සෙනෙට් සභාව හා කැබිනට්මණ්ඩලයෙන් එය සමන්විත වේ. TGTE ප්‍රජාතන්ත්‍රවාදී හා රාජ්‍ය තාන්ත්‍රික ක්‍රම මගින් දෙමළ ජනයාගේ දේශපාලන අභිලාෂයන් සාක්ෂාත් කරගැනීමේ ව්‍යාපාරයක් මෙහෙයවන අතර එහි ව්‍යවස්ථාව මගින් මෙහි දේශපාලන අරමුණු සාක්ෂාත් කරගත යුත්තේ සාමකාමී මාර්ගවලින් පමණක් බව දැඩිව විශ්වාස කරයි. එය ජාතිකත්වය, නිජබිම හා ස්වයං නිර්ණය යන මූලධර්ම මත පදනම් වේ.

TGTE උත්සහ කරන්නේ ජාත්‍යන්තර ප්‍රජාවේ මැදිහත්වීමෙන් යුතුව යුද අපරාධ, මනුෂ්‍යත්වයට එරෙහි අපරාධ සහ දෙමළ ජනතාවට එරෙහි සමූලඝාතන සිදුකළ අපරාධකරුවන්ට නිසි දඬුවම් පැමිණවීමටයි. දෙමළ ජනතාවගේ දේශපාලන අනාගතය තීරණය කිරීමට ජනමත විචාරණයක් පැවැත්විය යුතු බව TGTE අවධාරණය කරයි.

TGTE හි අග්‍රාමාත්‍යවරයා වන්නේ නිව්යෝර්ක්හි නීතිඥවරයෙකු වන විශ්වනාදන් රුද්‍රකුමාරන් මහතාය.

ට්වීටර් - @TGTE_PMO
ඊමේල් - pmo@tgte.org
වෙබ් අඩවිය - www.tgte-us.org / www.tgte.org

Another Mass Grave Found in Sri Lanka: UN Urged to Undertake the Reminder of the exhumation process - TGTE
https://www.einpresswire.com/article/644075843/another-mass-grave-found-in-sri-lanka-un-urged-to-undertake-the-reminder-of-the-exhumation-process-tgte

Visuvanathan Rudrakumaran
Transnational Government of Tamil Eelam (TGTE)
+1 614-202-3377
r.thave@tgte.org
Visit us on social media:
Facebook
Twitter
Instagram

Legal Disclaimer:

EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.