SAMOA, May 20 - TALA LATA MAI O LE PEPESI AI TUA O LE KOVITI – 19

Ua lipotia e le Matāgaluega o le Soifua Mālōlōina le pesia ai o i latou fou e to’a 331 i le fa’ama’i o le Koviti – 19 mai le 2:00 i le aoauli o le Aso 15 Me 2022 se’ia o’o mai i le 2:00 i le aoauli o le Aso 18 Me 2022.

Mai i lea 331, ua fa’amauina e 325 i latou fou mai le mamalu lautele o le atunu’u ua a’afia, ae to’aono (6) i latou na malaga mai fafo o lo’o pesia fo’i. Ma ua si’itia ai le aofa’i o e ua pesia i le siama o le Koviti – 19 i totonu o Samoa i le 12,382.

Ae to’afitu (7) i latou ua pesia o lo’o taofia nei i le Maota Gasegase i Moto’otua.

I LATOU UA MĀLILIU ONA O LE KOVITI – 19

Ua fa’amauina fo’i le i ai o le maliu fa’aopoopo e to’atasi (1) ona o āuga o le Koviti – 19, ma ua si’itia ai i le to’a 25 e ua māliliu ona o le fa’ama’i. O le ua maliu o se tamā 64 le matua o le soifua, e i ai ona gasegase tumau ma ua mae’a uma ona tui puipui e lua fa’atasi ai ma le tui fa’aopoopo (booster).

I le fa’aaloalogia ma le amanaia o ‘āiga o e ua māliliu, o le a leai ai se isi fa’amatalaga fa’aopoopo e tu’uina atu mai lo tatou Mālō

E saga fautuaina ai pea le mamalu o le tatou atunu’u, ina ia tausisia ma amanaia fautuaga fa’alesoifua mālōlōina o lo’o tu’uina atu pea e le tatou Mālō mo le puipuiga lautele mai lenei fa’ama’i. O ia fautuaga e aofia ai le faia o tali fofoga i taimi uma, fufulu mamā lima, ma ia tausisia le nofo ma le tutū vāvā mo le lua mita mai le isi tagata.  E talosagaina fo’i le mamalu o le atunu’u ina ia afifio e faia tui puipui auā o le puipuiga sili lea mo tagata uma, e tete’e atu ai i le sosolo fa’aafi o le Koviti – 19. Tatou galulue fa’atasi, e puipuia tatou, o ō tatou ‘āiga, o Samoa aoao ae silisili ai le puipuiga o e pele i o tatou loto.  

Aotelega o le Lipoti mo le tala lata mai o le Koviti – 19 sa tapenaina e le Matāgaluega o le Soifua Mālōlōina i le ta tonu o le 2:00 i le aoauli o le Aso 15 o Me e agai atu ile itula e 2:00 ole aoauli o le Aso 18 Me 2022, ma ua au’ili’ili atu e fa’apea:

Legal Disclaimer:

EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.