SAMOA, May 3 - FAUTUAGA MO LE ISI LA’ASAGA O LE VAVAO (Aso 02 Me 2022)

I lana Fonotaga FK (22)Faapitoa 22 o le Aso Gafua 2 Me 2022, na talanoaina ai e le Kapeneta le Pepa PK(22)354 ma faamaonia ai e faapea:

1. Le fa’aauau pea ona iai Samoa i le Laasaga lona lua (2) lanu moli mo lapataiga o le faama’i o le Koviti19  mo le lua vaiaso faatasi ma ona teuteuga;

2. O nei teuteuga e amata faamamaluina mai le vaeluaga o le po o le Aso Lua, 3 Me 2022 seia aulia le vaeluaga o le po o le Aso Lua, 17 Me 2022 e pei ona faailoa atu i lalo:

1. Le toe amatalia o aoga a le fanau o loo a’otauina i le Iunivesete Aoao o Samoa i le amataga o lenei masina e pei ona fautuaina.  Mo Aoga Amata, Tulaga Lua ma Kolisi, o le a amata talatala i le masina nei (Me) peitai ua tāpā le Vaega Maoti o Aoga ina ia faataoto manino mai le fuafuga i le Kapeneta mo le toe a’e uma o aoga;

1. Le tatalaina o itula mo pisinisi uma mai le 6:00 i le taeao e oo atu i le 10:00 i le po mai le Aso Gafua i le Aso Toonai, ona amata lea o le vavao mai le 11:00 i le po e oo atu i le 6:00 i le taeao o le isi aso;

1. Le tatala o auaunaga ua faatulagaina i le Aso Sa mai le 12:00 i le aoauli seia oo i le 10:00 i le po.

1. Le tatala o potopotoga uma e aofia ai ma tapuaiga i totonu o maota ma fafo, i le aiaiga e tausisia pea le tutu ma le nonofo vāvā, faia o punifofoga (facial masks) faapea le fa’aalia o Pepa Tui (Vaccination Cards);

• Le tatala o femalagaiga e ulufale mai i Samoa mo so’o se mafuaaga mo tagatanuu o Samoa, ae ia mulimulitaia pea aiaiga faasoifua maloloina;

• Le tatala o avanoa mo tagata mai fafo e galulue i konekarate faavaomalo i Samoa nei, ae ia usitaia aiaiga faasoifua maloloina;

• Le tatalaina o tuaoi faavaomalo o le atunuu i soo se tasi ia Aokuso ma Setema o le tausaga nei.  Ua faatonuina le Komiti o Faalavelave Faafuasei ina ia faatino loa tapenaga moomia uma e aofia ai malaga a vaalele ina ia taoto lelei le faatinoina o lenei fuafuaga;

• Le toe faatulaga o aiaiga mo le faanofoesea o i latou e malaga mai i le atunuu, i le aiaia i le fitu (7) aso mo i latou o loo faanofoesea i le taimi nei.  Mo isi malaga uma ua fuafua mai i le masina nei ma le agai atu i le lumanai, o le a faanofoesea nā o i latou o le a positive o latou suega i le taunuu mai ai i Samoa nei.  Peitai, mo i latou uma e faatino atu a latou suega o loo manuia (negative) o le a faate’a uma i tua i o latou aiga e faanofoesea ai.  Ua faatonuina le Matagaluega o le Soifua Maloloina ina ia faatulaga lelei aiaiga mo i latou uma o le a faate’a i tua e faanofoesea ai mo le lipoti mai o a latou  suega

(test results) i le Matagaluega o le Soifua Maloloina i taimi faatulagaina;

E faatumauina pea isi aiaiga o Poloaiga o Faalavelave Tutupu Faafuase’i ua faatulaga i lalo o le Laasaga 2.

O lenei faaiuga na faia i lona tulaga faanatinati e tusa ai ma le Vaega 38(1)© o le Faavae o le Malo Tutoatasi o Samoa.

Legal Disclaimer:

EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.