SAMOA, November 9 - (OFISA SO’OUPU); E to’a fitu (7) fa’auluuluga fou o nisi o Matagaluega ma Pulega a le Malo, to’a tolu (3) sui o le Komisi o Galuega a le Malo ma le to’a tolu (3) o sui o le Komiti Faufautua o Totogi sa fa’amaonia o latou tofiga e le Kapeneta maa fa’atautoina aloaia i le taeao nei. 

O fa’auluuluga o Matagaluega ma Pulega a le Malo sa fa’atautoina e aofia ai;

1. Dr Mema Motusaga – Ofisa Sili o Pulega o le Matagaluega Tina ma Tamaitai Atinae o Afioaga ma Agafesootai
2. Fuimaono Dominic Faatoialemanu Schwalger – Ofisa Sili – Pulega o le Suavai
3. Fui Tupai Mau Simanu – Ofisa Sili – Matagaluega Galuega, Felauaiga ma Atinae Eseese.
4. Leota Aliielua Salani – Ofisa Sili o Pulega – Fuainumera Faamauina
5. Pativaine Reita Petaia-Tevita – Ofisa Sili – Pulega o Tagata Tafafai Maimoa Mai
6. Saoleititi Maeva Natacha Betham-Vaai – Ofisa Sili – Matagaluega o Tupe
7. Tanuvasa Petone Mauga – Komesina o Tineimu ma Faalavelave Faafuasei

O sui o le Komisi o Galuega a le Malo e aofia ai;

1. Nonu Lemauga Saleimoa Vaai – Taitaifono
2. Gatoloai Tilianamua Afamasaga
3. Fonoti Perelini Perelini

Ma sui o le Komiti Faufautua mo Totogi;

1. Tuala Falani Chan Tung – Taitaifono
2. Tuiloma Sina Retzlaff
3. Muaausa Joseph Walters

O le tamaitai Palemia o le Malo o Samoa, Afioga Fiame Naomi Mataafa sa saunoa i le saunoaga autu ma sa ia fa’amalo ai ia i latou ua tofia;

 “Ua motu foi le ta’i ma faafofoga le lagi i tautoga a Faauluuluga o nisi o Ofisa ma Matagaluega o le tatou Malo, ua tofia nei e tautuaina si o tatou atunuu. Ou te momoli atu le faamalo ma le faafetai i o outou tofiga.”

Saunoa foi Fiame e fa’amanatu ia i latou ua tofia o tofiga uma e mai i le Atua, “O le fa’asinomaga a le Talalelei i tofiga fa’apenei, ‘o pule uma lava o fai nei, e mai le Atua’. O tofiga uma foi, e afua ona o le Atua, aua o ia na te fa’aa’upegaina lo tatou lē āuga, ma fa’alaeiauina lo tatou faatauva’a e tulai e faatino le tautua.”

Sa molimauina lea sauniga fa’apitoa e le Afioga i le Ao Mamalu o le Malo o Samoa – Afioga Tuimalealiifano Vaaletoa Sualauvi II, Minisita o le Kapeneta, Sui o le Palemene o Samoa, Fa’auluuluga ma Pulega o le Malo fa’atasi ma aiga ma uo a i latou ua fa’atautoina i tofiga mo le tautuaina o le Malo o Samoa.

…MAE’A…

Legal Disclaimer:

EIN Presswire provides this news content "as is" without warranty of any kind. We do not accept any responsibility or liability for the accuracy, content, images, videos, licenses, completeness, legality, or reliability of the information contained in this article. If you have any complaints or copyright issues related to this article, kindly contact the author above.