Tá sé deimhnithe maidin inniu ag an Aire Talmhaíochta, Bia agus Mara, Michael Creed TD go bhfuil sé chun cainteanna idir gach páirtí san aighneas mairteola a stiúradh Dé Luain seo chugainn (an 9 Meán Fómhair). 

Dúirt an tAire ar maidin: “Táthar i mbun rannpháirtíocht mhór  le páirtithe leasmhara feadh thréimhse an aighnis seo agus creidim go bhfuil bunús ann anois le cainteanna a chur ar bun arís idir na páirtithe. Táimid ag an bpointe anois go sé fíorthábhachtach do thodhchaí na hearnála go smaoineodh páirtithe leasmhara ar theacht ar chomhréiteach chun an t-aighneas seo a réiteach, aighneas a d'fhéadfadh dochar fadtéarmach a dhéanamh don earnáil má leantar ar aghaidh leis. Is léir nach féidir é sin a chur i gcrích ach amháin má sheasann próiseálaithe agus agóideoirí siar ó imeachtaí Cúirte agus bacainní mídhleathacha le deis a thabhairt cainteanna fóinteacha a thabhairt chun cinn.” 

Dheimhnigh an tAire don roinn go mbeadh sé i dteagmháil le páirtithe leasmhara i rith an lae chun socruithe riachtanacha a dhéanamh. 

CRÍOCH

Date Released: 05 September 2019