Tá sé fógartha ag an Aire Stáit sa Roinn Talmhaíochta, Bia agus Mara, Andrew Doyle T.D., inniu go bhfuil an staidéar ar Fhoraoiseacht i gCo. Liatroma curtha ar aghaidh agus ar fáil lena íoslódáil ar láithreán gréasáin na Roinne. Choimisiúnaigh an tAire Doyle an tuarascáil seo i mí Feabhra 2019 d'fhonn na tionchair shóisialta agus gheilleagracha a bhaineann le foraoiseacht i gCo. Liatroma a mheas.

Is í an Dr. Áine Ní Dhubháin, U.C.D. a bhí i gceannas ar an Staidéar a rinneadh i gcomhar leis an mBiúró um Theoiric agus Feidhmeanna Geilleagracha, INRA, An Fhrainc, agus tugadh faoi scrúdú a dhéanamh chomh maith ar staid reatha na rialachán comhshaoil maidir le foraoiseacht i gContae Liatroma. Léirítear sa Staidéar, a cuireadh i gcrích de réir an sceidil a bhí beartaithe, measúnacht chuimsitheach ar fhoraoiseacht lena n-áirítear an meon atá ag daoine i leith na foraoiseachta sa Chontae.

I ndiaidh dó an tuarascáil a fháil, dúirt an tAire Doyle  “Ba mhaith liom buíochas a ghlacadh leis an Dr. Ní Dhubháin agus a foireann as an tuarascáil mhionsonraithe seo a chur ar fáil, agus déantar í a scrúdú go mion sa Roinn sna seachtainí atá romhainn. Tá an tuarascáil fíorchuimsitheach agus mholfainn do gach páirtí leasmhar an t-am a ghlacadh chun an tuarascáil a léamh go mion. Leis an tuarascáil, feabhsófar an tuiscint atá againn ar an tionchar a bhíonn ag foraoiseacht ar phobail faoin tuath agus sa tslí sin, beidh sí ina cuid thábhachtach den athbhreithniú deiridh ar an gClár Foraoiseachta 2014 -2020”.

Nótaí d'Eagarthóirí:

Is féidir teacht ar an Tuarascáil ag https://www.agriculture.gov.ie/forestservice/publications/

CRÍOCH

Date Released: 02 September 2019